باب: اللہ تعالیٰ کا فرمان: ﴿آپ جسے چاہیں ہدایت نہیں کر سکتے، بلکہ اللہ تعالیٰ ہی جسے چاہے ہدایت کرتا ہے۔ ہدایت والوں سے وہی خوب آگاہ ہے۔﴾ [سورہ القصص:56]

پہلا مسئلہ : اس میں آیت کریمہ : ﴿اِنَّکَ لَا تَھۡدِی مَنۡ اَحۡبَبۡتَ وَلٰکِنَّ اللّٰہَ یَھۡدِی مَنۡ یَّشَآءُ۔﴾ ﴿آپ جسے چاہیں ہدایت نہیں دے سکتے، بلکہ اللہ تعالیٰ ہی جسے چاہے ہدایت دیتا ہے۔﴾ کی تفسیر ہے۔

دوسرا مسئلہ : نیز اس آیت کی بھی تفسیر ہے: ﴿مَا کَانَ لِلنَّبِیِّ وَالَّذِینَ آمَنُوا اَن یَّسۡتَغۡفِرُوا لِلۡمُشۡرِکِینَ۔﴾ ﴿نبی اور دوسرے مسلمانوں کے لیے جائز نہیں کہ مشرکین کے لیے مغفرت کی دعا مانگیں۔﴾

تیسرا مسئلہ : یہ بہت اہم مسئلہ ہے اور آپ کے فرمان: ﴿قُلۡ لَا اِلٰہَ اِلَّا اللّٰہُ﴾ کی ایسی تفسیر پر مبنی ہے، جو بہت سے علم کے دعوے داروں کی تفسیر سے الگ ہے۔

چوتھا مسئلہ : نبی صلی اللہ علیہ وسلم جب ابو طالب کو کلمہ 'لا الہ الا اللہ' کی تلقین کر رہے تھے، تو ابو جہل اور اس کے ساتھی نبی صلی اللہ علیہ وسلم کی مراد کو بخوبی سمجھ رہے تھے۔ اللہ تعالیٰ اُن لوگوں کا بُرا کرے، جن سے زیادہ اسلام کی بنیاد کے بارے میں ابو جہل جانتا تھا۔

پانچواں مسئلہ : نبی صلی اللہ علیہ وسلم نے اپنے چچا کو اسلام کا کلمہ پڑھانے کی پوری کوشش کی۔

چھٹا مسئلہ : اس سے ان لوگوں کی تردید ہوتی ہے جن کا خیال ہے کہ عبد المطلب اور ان کے آبا و اجداد مسلمان تھے۔

ساتواں مسئلہ : آپ صلی اللہ علیہ وسلم نے ابو طالب کے لیے مغفرت کی دعا کی، لیکن اللہ تعالیٰ نے نہ صرف یہ کہ اُن کی مغفرت نہیں فرمائی، بلکہ آپ کو آئندہ ایسا کرنے سے منع بھی کر دیا۔

آٹھواں مسئلہ : انسان کو بُرے لوگوں کی صحبت کا نقصان ہوتا ہے۔

نواں مسئلہ : اسلاف اور اکابرین کی تعظیم میں (غلو) نقصان دہ ہے۔

دسواں مسئلہ : اہلِ باطل اس سلسلے میں ابو جہل کے استدلال کی وجہ سے غلط فہمی کے شکار ہوئے ہیں۔

گیارہواں مسئلہ : اعمال کا دار و مدار آخری اعمال پر ہوتا ہے۔ اس لیے اگر ابو طالب نے یہ کلمہ پڑھ لیا ہوتا، تو انہیں ضرور فائدہ ہوتا۔

بارہواں مسئلہ : اس بات پر غور و فکر کرنے کی ضرورت ہے کہ گمراہ لوگوں کے یہاں اسلاف اور اکابرین کی تعظیم کی کس قدر عزت ہے؛ کیوں کہ ابو طالب کے اس قصہ میں مذکور ہے کہ سرداران مکہ اسی کو دلیل بنا کر ابو طالب سے اپنے سابقہ دین پر اڑے رہنے کا مطالبہ کرتے رہے اور اسی کو کافی جانا، جب کہ آپ صلی اللہ علیہ وسلم پر زور طریقے سے اور بار بار ان کو کلمہ پڑھانے کی کوشش کرتے رہے۔