باب: لفظ ﴿لَو﴾ 'اگر' استعمال کرنے کا حکم۔

اللہ تعالی نے فرمایا: ﴿يَقُولُونَ لَوْ كَانَ لَنَا مِنَ الأَمْـرِ شَيْءٌ مَّا قُتِلْنَا هَـاهُنَا﴾ [آل عِمْرَانَ:۱۵۴]

“وہ کہتے ہیں کہ اگر ہمیں کچھ بھی اختیار ہوتا، تو یہاں قتل نہ کیے جاتے۔”

نیز فرمایا: ﴿الَّذِينَ قَالُواْ لإِخْوَانِهِمْ وَقَعَدُواْ لَوْ أَطَاعُونَا مَا قُتِلُوا﴾ [آل عِمْرَانَ:۱۶۸]

“یہ وہ لوگ ہیں جو خود بیٹھے رہے او راپنے بھائیوں کی بابت کہا کہ اگر یہ ہماری بات مان لیتے تو قتل نہ کئے جاتے۔”

صحیح مسلم میں ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: "جو چیز تمہیں نفع پہنچانے والی ہو، اس کی حرص رکھو، اللہ تعالیٰ سے مدد طلب کرو اور عاجز نہ بنو۔ اگر تمہیں کوئی مصیبت آن پہنچے، تو یوں نہ کہو کہ اگر میں نے ایسا کیا ہوتا، تو ایسا اور ایسا ہو جاتا، بلکہ یوں کہو: ﴿قَدَّرَ اللہُ وَمَا شَاءَ فَعَلَ﴾ کہ اللہ نے مقدر کیا اور جو چاہا کیا؛ کیوں کہ لفظ 'اگر' شیطان کی در اندازی کا دروازہ کھولتا ہے۔"