باب: محمد مصطفیٰ صلی اللہ علیہ وسلم کا توحید کی حفاظت فرمانا اور شرک کے راستوں کو بند کرنا

عبداللہ بن شخیر رضی اللہ عنہ سے مروی ہے کہ میں بنو عامر کے ایک وفد کے ساتھ اللہ کے رسول صلی اللہ علیہ وسلم کی خدمت میں حاضر ہوا۔ اسی بیچ ہم نے آپ صلی اللہ علیہ وسلم سے کہا کہ آپ ہمارے سید ﴿سردار﴾ ہیں!

تو آپ صلی اللہ علیہ وسلم نے فرمایا: "سید ﴿سردار﴾ تو اللہ تبارک وتعالی ہے۔"

ہم نے کہا: آپ مقام ومرتبہ میں ہم سب سے افضل اور سب سے زیادہ احسان کرنے والے ہیں۔

آپ صلی اللہ علیہ وسلم نے فرمایا: "تم اپنی یہ بات کہو یا اس میں سے کچھ کہو اور دھیان رکھو کہ شیطان تمہیں کہیں پھانس نہ لے۔" اسے ابوداؤد نے جید سند کے ساتھ روایت کیا ہے۔

انس رضی اللہ عنہ سے مروی ہے کہ کچھ لوگوں نے کہا: اے اللہ کے رسول، اے ہم سب سے بہتر، ہمارے بہتر کے بیٹے، ہمارے سردار اور ہمارے سردار کے بیٹے! آپ صلی اللہ علیہ وسلم نے یہ سن کر فرمایا: "اے لوگو! تم وہی باتیں کرو جو تم کرتے ہو اور دیکھو کہیں شیطان تمہیں بہکانہ دے۔ میں محمد اللہ کا بندہ اوراس کا رسول ہوں۔ میں نہیں چاہتا کہ تم مجھے میرے اس مقام ومرتبے سے بڑھادو، جس پر اللہ تعالی نے مجھے فائز کیا ہے۔" اس حدیث کو نسائی نے بسند جید روایت کیا ہے۔

اسے ابوداؤد نے جید سند کے ساتھ روایت کیا ہے۔

انس رضی اللہ عنہ سے مروی ہے کہ کچھ لوگوں نے کہا: اے اللہ کے رسول، اے ہم سب سے بہتر، ہمارے بہتر کے بیٹے، ہمارے سردار اور ہمارے سردار کے بیٹے! آپ صلی اللہ علیہ وسلم نے یہ سن کر فرمایا:

"اے لوگو! تم وہی باتیں کرو جو تم کرتے ہو اور دیکھو کہیں شیطان تمہیں بہکانہ دے۔ میں محمد اللہ کا بندہ اوراس کا رسول ہوں۔ میں نہیں چاہتا کہ تم مجھے میرے اس مقام ومرتبے سے بڑھادو، جس پر اللہ تعالی نے مجھے فائز کیا ہے۔"

اس حدیث کو نسائی نے بسند جید روایت کیا ہے۔